Internet zale estimatu hori:

Ni buru naizen udalbatza honen izenean, gure Udaleko web orrian sartu zarenez, ongietorria izan zaitez.

Hor bertan, Ereñori buruzko estatistika-datuak lortu ahal izango dituzu; eta horiekin batera Urdaibai biosfera-erreserban dauden lekurik ederren, erakargarrien eta lasaienen berri ere eskura dezakezu; esaterako Ereñozarreko San Migel ermitari buruz.

Ereñoko biztanle guztien eskura dagoen wifi sarea eskaintzeaz batera, orrialde honen sorrerak helburu bat du: udalerriko biztanleei teknologia berriak hurbilaraztea, informatika-bideak indartuz, Administrazioarekiko harremanetarako. Horregatik, bada, administrazio-leihatila digitala sortu da, udal zerbitzuak mantentzeko eta beraiek etengabe emateko.

Horregatik, nire eskerrik zintzoena gure orrialdean sartu izanagatik; gurekin partaide izatea eskatzen dizut, munduan zehar zabal dadin gure herri maite honen izena.

Besterik gabe, har ezazu nire besarkadarik beroena.

Izp. Joseba Zarragoikoetxea Cenicacelaia.